Bəxtiyar Vahabzadənin anım günü münasibətilə.... Elnarə Qaragözova Filologiya üzrə fəlsəfə doktoru, dosent XALQ ŞAİRİ BəxtiYAR VAHABZADƏ VƏ AKADEMİK AĞAMUSA AXUNDOV: DİLİMİZİN TƏƏSSÜBÜ POEZİYA VƏ ELM TANDEMİNDƏ Bəxtiyar Vahabzadə irsi milli ədəbiyyatımızın sütunlarından biridir desək, yəqin ki, yanılmarıq. Şairin yaradıcılığı haqqında saysız dəyərli araşdırmalar dərc edilmiş, ölkə mətbuatında və xarici dərgilərdə maraqlı tədqiqatlar, araşdırmalar işıq üzü görmüşdür. Bəxtiyar Vahabzadə irsi dilçi alimlərin də diqqətindən kənar qalmamışdır.Qeyd etməliyik ki, Bəxtiyar Vahabzadənin özü də daim dil məsələsinə həssaslıqla yanaşmışdır. Dil mövzusu şairin yaradıcılığından qırmızı xətlə keçir. B. Vahabzadənin “Mənim anam”, “Ana dili”, “Oğluma”, “Əlifba”, “Latın dili” şeirlərində dilin cəmiyyət, millət üçün önəmi, dilin qorunmasının vacibliyi poetik şəkildə ümumiləşdirilmişdir. Şairin “Ana dili” şeiri bir çağırış, haray kimi səslənir: Bu dil, - biz...